以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年7月2日 星期二

你班上左岸0既中坑老坑 心態決定境界27

首先,此文非政治立場POST。

廢老最鐘意砌高達啦,一定係除非唔係!
已經拍左片喇~~~

本人自認是偏藍,但極討厭果班豬到不得了0既五毛左膠豬隊友,總之兩面不是人,兩面不討好。自少人生便如是,只能認命。

昨日外遊,不過見FACEBOOK有個中學同學(佢細我少少,一齊未夠40歲),出左以篇潮文,連女主人都覺得佢講野過份,行文講下呢條友。

其實只因譚雞蟲同埋鐘破產兩位過氣明星,去左撐藍維穩活動,咁網上又大把人話唔聽佢D歌(下,我都唔係呢個年代,關我X事?),又爛唱片等等。

其實同老人BLOGGER一樣,呢兩件過氣野,跟本無人GIVE A SHIT,佢出唔出現都唔係好關事。

咁阿中學同學係邊個?原來我係2015年已經提過佢:

心能決定境界3 - 論創業 <叫朋友做影相佢當我點佢>


建議入去睇,當年寫應該全神D,不過我都簡介一下:

2009年,中學同學三個人,傾下計,我教佢地期權,有人教番我保力加(受惠者卻是我轉教的女主人),事後比人私底下話我做乜咁好死教佢地,WELL。。。

當年我都有提過,見佢鐘意影相,都成十幾年興趣,不如去影下婚照啦。點知佢一堆理由(上條LINK)話做唔過。

結果,幾年後,佢咪又去左幫人影婚照,打份頹廢IT SUPPORT邊有肉食丫。

當年有另一中同,一早入行,買入地鐵物業後沽出,已全家移民英國爽歪歪了。

佢?同年紀,遲入行,2019年今日,佢只係買左屯門D濕九廢樓(聽聞係美樂,我唔肯定),日9日係FB講佢D作品,客人FEEDBACK,西客講價。。。

以上呢D我炒旦生意全部都有,但我從不晒,因為我怕晒左之後太多生意煩到自己!!!講價?唔好意思,正價都唔做你生意!(唔係我串,其實好多人都做到)

可惜,我已經上個月執左笠了!

****

講番正題,點解開文講呢個人?連我EQ滿分0既太太睇完都覺得過份,應該拎出黎講下算有價值。

佢SHARE樂神壇廢老篇文,講左幾句令人嬲嬲地又好好笑0既說話,佢POST完就刪左文,我CAP唔到圖!!!佢提左一句,非常擊中(我對號入座)但又可笑!

"佢地呢D上左岸0既中坑老坑"

我唔知我39算唔算中坑,上左岸我又未係,不過我又唔駛為兩餐煩,算係基層出生香港人呢個年紀有一兩分成就0既正常故事(或者大家沽左層樓就做到),不過佢咁多年打工、創業、結婚生仔浮沉中,到頭來眼見就黎40都仲係要同班後生去比較,真係慘慘豬。其實佢已經係中坑了!

政治唔講,講錢又得,講生活也可以,我成日講,要比較,就要咁:

1 用同年紀0既人比
2 起跑線無視,公屋學校中,當年屋企有錢個D,大個左咪又係咁!
3 現實點,用錢/資產比;夢想點,用人生目標比;幸福點,用結婚生仔長輩生活比
4 唔鐘意比較?問下自己係咪真問唔想比,定係唔夠人比啦

阿中學同學,可能你無諗過會觸動到我神經,不過。。。

用錢比?我唔蝦你,算

用夢想比?SO SO99Y我唔知你夢想係乜,玩FB定去遠行帶MUA(同化粧師影近距合照)都唔帶埋個太太?(同太太就KEEP DISTANCE。。。)

幸福比,兒女未必能比,我太太靚過你老婆幾十條街(佢件前度唔錯,自己唔揀,人地嫁埋去美國了),雖我母親已不在,但至少我真係唔見你會特別日子同親人影張相。行街見到佢地都好似無乜精神咁。

我呢件表面上上左岸0既廢中,
講到呢到就算。

最後,我鐘意動盪,因為有危才有機,
才有可能洗牌比年青一輩上位
否則社會只會死氣沉沉。
咪以為我係坐係度鬧年青人0既公園阿叔啊!!!

執笠最後帶哂番屋企,我唔係賣型架!

預告:黎緊會幫兩位BLOGGER好友寫書0既序,忙左幾日(跑步+執笠),要開始了。。。

下面係最片,無訂閱頻道0既等我UPDATE下你啦~

IB 如何睇槓桿率? 何時要追保證金(補孖展)? 如何轉介面語言?

32 則留言:

  1. header 可以改了~~~
    "七十後男主人與八十後女主人,各有自己小茶飯,預計2019年退休唔撈!"

    回覆刪除
  2. 廢中報到
    樓市就係長升長有,攪到富者越富,令到好多人有怨氣,係好唔健康
    所以股市樓市有大洗牌,其實都唔錯

    回覆刪除
    回覆
    1. YES
      即使我D錢無哂, 由頭黎過, 換來同年青人平等鬥一下, 也不錯.

      股樓齊跌我OK喎

      刪除
  3. 因為有危才有機,才有可能洗牌比年青一輩上位 <<< 十分同意...

    我自己覺得現實香港就好似大富翁既地圖,
    50/60年代既人一開始係個圈度行可以好多野買...
    70年代既人仲有D 人地未買既野可以買...
    80年代既人仲有D 前人剩番既少少野可以捉住, 仲有一隻或者半隻腳可以踩到上岸...
    但係到90/ 00新世代既人... 我唔敢講... 但係呢幅地圖大部份既野已經俾人踩晒... 越後來既大部份人只係一路交租俾前面既人...

    當然, 每個世代都會有叻人, 用自己既能力努力關係可以力爭上游, 只不過係呢個機會係呢個地方變得越來越少同難...就好似有幾多Startup business 到最後依然係自己經營而唔係exit 俾大財團...

    所以我問心我唔知呢個危要去到有幾大先真係可以有呢個洗牌既效果...

    回覆刪除
    回覆
    1. 所以一係炒獲勁, 一係走把啦...

      再所以, 有能力走0既理不理
      無能力走0既...

      刪除
    2. 應該要多幾張 "整酒店罰款咭"
      要RIP OFF 一部份人
      否則個GAME無得玩落去

      刪除
    3. 睇下你認為個game 係新舊交替定死霸爛霸.

      有幾多人, 可以站在山腳高少少, 唔對下方既人剪梯落石?

      真係好少.

      刪除
  4. 但那些機就我要, 危就叫人地啃的人, 又應該點樣評價呢?

    回覆刪除
    回覆
    1. 各取所需, 任何人做決定都係INFORMED DESCISION.
      民主社前設.
      總好過文中所講果件垃圾廢中.

      刪除
  5. 佢只係買左屯門D濕九廢樓(聽聞係美樂,我唔肯定) --> 傳說中的廢西三寶...哈哈 (好似FROM DISCUSS)

    最後,我鐘意動盪,因為有危才有機,
    才有可能洗牌比年青一輩上位,
    否則社會只會死氣沉沉。

    --> 狹路相逢勇者勝, 面對大洗牌, 理應係勇字的年青人上位, 喜樂見也!

    回覆刪除
  6. 作者已經移除這則留言。

    回覆刪除
    回覆
    1. 三兄, 咁大段真係要好花心機睇, 建議分多幾行, 免得比人直SKIP.

      其實講極都係樓市GOGOGO, 就係現令大家要衝擊0既現象.

      我個婚攝同學, 做生做死, 都係住廢西三寶, 佢呢D 無乜資產廢中心中會諗:值得嗎?

      另一班有少少樓0既, 咪笑佢早又唔買, 抵9死.

      年青個班,唔會同你癲, 直接推倒, 理所當然.

      刪除
    2. 作者已經移除這則留言。

      刪除
    3. 今次兩段其實都寫了好耐,但都決定要刪了。因為留言不對題。還是缺席討論好了。

      刪除
    4. 即係叫後生仔唔打樓, 自己買股買債?

      好難兩全其美, 此矛盾必有犧牲!

      刪除
  7. 九十後表示溝通是解開問題重要一環
    單純以「廢」一字標籤年齡層/團體無助解決問題,只係挑起紛爭,更別說要說服他人
    在年輕人角度,特別在出社會,遇到好多明事理願意溝通既長輩
    但可惜遇到更多的只係皮老闆所形容「豬到不得了0既五毛左膠豬隊友」

    至於洗牌能否讓年輕人「上位」,個人認為反而認為會製造新一批既得利益者/某些舊有利益者獲得更多

    回覆刪除
    回覆
    1. //洗牌能否讓年輕人「上位」,個人認為反而認為會製造新一批既得利益者/某些舊有利益者獲得更多

      真知灼見!洗牌或者能洗掉中產的財富,同時卻只會令財富更為集中。除非洗牌洗到打仗啦,唔係無硝煙的戰爭,唔係經濟戰科技戰,更加唔係擦槍走火或者係人地地頭打,係要大國一齊打真軍。

      不過相信我有生之年都唔會再見到(咁咪要縮短我有生之年?啋!)

      刪除
    2. Alan: 無錯, 至少打開一個缺口, 上到就上, 同時讓過往無實力0既人拉落黎.

      ALAN & Rrrrr : 我呢D小市民遊戲, 都只係同番小市民打, 現在果班讀書不成收租仔之氣焰, 90 後00 後看在眼裏, 只同譚雞蟲一樣NOT GIVE A SHIT

      講金錢集團呢D 大茶飯, 真係要R兄你出手了.

      刪除
    3. 從來社會都係分帳唔均等,有洗牌就會有新既既得利益者出現。幾時都好,都係要諗方法唔好俾社會淹死。

      其實過去咁多年既發展,最後反而係中產度拎錢俾窮人,變左一個M型社會,不過香港稅低,做中產其實算好好架啦。

      刪除
    4. 大家所言甚是,「洗牌」最起碼可以讓有實力膽識既人(不論是否年輕人)製造更多機會

      刪除
  8. 除非一同中國洗牌,世界洗牌才有用。
    只有香港洗牌,背靠祖國的香港,柴米油鹽又點會平。

    回覆刪除
    回覆
    1. 唔係要大陸人㩜炒, 至少你要打低香港果班所為中產得益者, 先再講其他遠大理想.

      千里之行, 有個可達到目的好過下下潑冷水吧.

      刪除
  9. 哈哈,我身邊都有呢D廢中廢老,唔洗理佢,得閒咪Share俾D FD笑下囉

    的確係有危先有機,捉緊每次熊市既機會人棄我取。對呢個世界幾時都要樂觀,唔信明天會更好,會錯失好多機會!

    回覆刪除
    回覆
    1. 我都係成CAP呢位人兄放上吹水谷/比老婆睇一齊笑。

      刪除
  10. 偏藍偏黃唔緊要,立場不同,都可以互相諒解,呢個先係社會最需要既。好過一啲人得到好處,有咗利益,就企係高地度指住啲地底泥指指點點。皮老闆發財立品,真係不可多得。

    回覆刪除
    回覆
    1. 你過獎啦,你見過我真人,我就真係當你讚我架喇!

      "企係高地度指住啲地底泥指指點點"

      EXACT7Y!尤其高不成低不就果班香港收租仔,80後求死隊長之流。

      刪除
  11. “上左岸我又未係,不過我又唔駛為兩餐煩”
    香港地好多偽中產,表面上成日食好西去旅行,但財政負擔實際上重到不得了⋯唔知做幾耐先退得休。

    回覆刪除
    回覆
    1. 應該一無左份糧就唔掂。。。

      或者佢地太戀棧金錢。

      刪除
  12. 各有各做 唔高高在上指點江山,落井下石已經係飲得杯落

    回覆刪除
    回覆
    1. 現令買樓收租為王道,咪係呢班廢中廢老打造出黎LAW。。。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...