以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年7月17日 星期三

身邊朋友的FAQ 我的香港財務自由路(四)

好耐無UPDATE,希望各位無走到啦!!

其實本來打算每隔兩三日做完運動就打下BLOG文,點知呢期真係忙過番工。

對於一個近二十年無做開運動0既人,我估我成績都OK,體重由67KG去到64KG了!(大約三個星期吧)

本人寫BLOG只為點擊率,各位0既留言及定時收看,絕對是一種鼓舞!而此BLOG廣告收入,會全數捐出。

剛剛,我將一年BLOGGER收入,再自己貼小小,在母校成立了一個很小很小的獎學金,也在剛剛的星期一上台頒了獎。金額少到自己有點慚愧,但,莫於小善而不為,有機會寫文講下。

自現實生活對外宣佈退休後,很多關心小弟的朋友,都問左我唔少問題,亦有唔少意見比番我,可惜我一向唔太聽人意見。

同風中追風兄傾開,亦打趣同我個五十幾歲財自0既外母傾開,原來一講退休,好多人都會問相同問題!

希望各位會PLAN提早收山的朋友,能有此文幫助一下,至少:YOU ARE NOT ALONE!

以下歸類,好難講問果個人係善意定潤你,不過點都好,我一向統一答案。

1 退休後有咩做?

做自己鐘意做0既野,呢一刻未諗(諗左都唔想講,例如同你講獎攪學金,又會越講越又易被人誤會)

最正常,我會答陪下屋企人,睇住D小朋友(其實我工人好幫得手!)

如果熟少少,我會話寫下網絡文章,去試下做個無人睇0既YOUTUBER

如果我當你係朋友,應該咁答:這不是一個終結,而是另一個開始!

2 會唔會好悶?

忙到PK就真,可能退休前段,會多左人約飯局吧。其實每日45分鐘運動,執下屋睇下電視玩下高達打下機,已經令我唔得閒寫BLOG文。

平時去街,若第二日要工作,我會感覺就住就住,留番D精神明天工作。而家?玩都盡興D啦!

怕悶?我退休前已經試過日日行下街,其實除非落雨,悠閒地走在街上,其實好舒服,再唔係,戴個HEAD SET 聽住歌,感覺現在的人生及時間都是自己的。

日復日工作,即使我工作極有成功感,但都唔及而家正!

3 會唔會去下旅行,做下義工?

我以前工作,每日都係做三五個鐘,無壓力,受客專重,收入六位數。我從來無需要去RELAX一下,旅行我都麻麻(我又唔想鬧我太太。。。旅行我會發脾四)。

做義工?NO WAY,要做善事要幫人,有好多方法,話唔埋我定時寫下BLOG,又可以幫人開竅,搵到自己鐘意0既人生,咁樣唔係比免費勞工0既義工更加有效?

喂,我並唔係失敗到要用以上兩種方式去打發時間,去等死啊!

(真係唔好咁問,我會覺得你好低層次,又或者唔識問,想求其搵下野問我而已)

4 會唔會搵其他野/工做下?

基本上,大部份人係問我會唔會再搵錢。乜錢真係咁重要咩?要無時無刻唔放過任何機會?

我答得好直接:我唔打算做任何搵錢0既事。

我心諗:如果我走去打工,搵雞水咁多工時又長,咁我為乜要放棄本來極之爽0既炒旦小生意呢?

5 夠唔夠錢駛?

呢個通常唔會直接問,同男人D頭髮/女人去微整一樣,非常忌諱!

其實我真心好想你問,亦唔介意你問。

因為,我都想你明白,其實只要控制好自己,接受一些新事物,錢係可以夠駛0既!

即使真係財自唔到,多個被動收入,總好過只係得樓9流流慢慢等丫。。。

其實控制物慾,已經係成功0既一半!(睇下個D財自爸爸,好多成功0既另一半,係靠自己個另一半!哈哈哈哈哈~~~~ 我唔係啊~)

現在成績?未知通漲能否追到,不過每月很肯定有錢剩,暫時未有方法去計,只係八月份開始每月出錢比自己,睇下月尾係咪月光族!(另一部份繼續留係戶口啦當然。)

IB可以SET RECURRING WIRE WITHDRAWAL
每月一次免費!


6 你就好啦,我都好想好似你

呢個超級FAQ,尤其係對你無乜大好感個D,正正常常講呢句,好睇佢語氣。若然係街撞到,劈頭第一句咁講,我心中想回番佢粗口。

不過諗諗下,呢種妒嫉,其實正正因為佢地無能/無能用。

小弟口衰,細個至大個都唔係好識言語遮掩自己,結果,被誤會次數真係多不勝數,一遇上有妒嫉者,就會被不停放大。

結果,好處係,真係朋友的,就真係好交心朋友。

相反,想大班人食下飯吹下水,呢D飯局就我無份了。

黎緊吹水谷又有飯局,今次成60人,希望大家都唔會"那年十八 母校舞會 站著如嘍囉"啦!!(若小弟有咩講錯得罪,請多多包涵,只係我唔識包裝講野,未必係你心想咁樣。。。)

*****

明天同太太及小朋友去睇TOY STORY早場,連個仔都話,寧願坐前D都唔想比人個頭檔住!你仲諗住買飛坐中間?

44 則留言:

  1. 呢個POST好好笑,其實D人真係好煩,不過我都好想知好好奇炒蛋係咩?係咪幫人砌高達呀?sorry 我都係好煩的人

    回覆刪除
    回覆
    1. 俱住矣。
      都係d 普通工作黎,無乜人睇得起,但偷偷地搵錢人地又唔知。

      刪除
  2. 60人飯局,諗起都壯觀。。。

    三星期減3KG,好勁,考慮下寫番篇講做運動

    回覆刪除
    回覆
    1. 係,自助形式,唔知會點。。。

      至於減磅,唔運動的突然運動,夜晚唔食宵夜,好快減到了。

      刪除
    2. 60人咁多,好驚,變咗雞尾酒會...XD

      刪除
    3. 係,唔知會點,又睇下會點。哈哈哈。

      刪除
  3. 老闆, 記得幫個飯局寫個 RECAP。

    回覆刪除
    回覆
    1. 哈哈,要靠其他blogger 呢。
      我去完就好快忘記。。。

      刪除
  4. 沒有走, 老闆的文章很有趣, 每篇我都有睇架!

    捉個小錯處: "妒嫉" (音 "杜疾") 是錯的, 沒有這個字. 只有 "嫉妒" (音 "疾杜") 或 "妒忌" (音 "杜忌")
    呢個字我自己都成日用錯, 啱啱查字典睇番先知.
    https://humanum.arts.cuhk.edu.hk/Lexis/lexi-can/search.php?q=%B6%FA
    https://humanum.arts.cuhk.edu.hk/Lexis/lexi-can/search.php?q=%A7%AA

    回覆刪除
    回覆
    1. 謝謝支持及糾正。
      有你地,才有動力去寫,否則閒雲野鶴不知時日過。

      刪除
  5. 香港人的核心價值就係搵錢/去旅行/培訓下一代(拎黎威又好,拎黎幫自己圓夢又好...)。前兩者你無乜興趣,對仔女又無一星期七日補習/興趣班+買定樓俾佢地,自然就衝擊左大部份人的常識,覺得你唔識諗所以想「教精」你。

    「定時寫下BLOG,又可以幫人開竅」其實已經係義工,起碼你無收錢,亦叫做幫到有緣人。至於做傳統意義下的義工嘛,我係覺得偶然一日去做相當無效率。你捐出一日人工,已經可以請到比你做得更好的專業人士去做。至於探訪傾談等唔係請人可以做到的,如果可以長期做當然值得尊敬,但只係遇一為之的話,我唔知受眾其實需唔需要你。

    回覆刪除
    回覆
    1. 係呀,搵錢就係為左上一代同下一代,而提供消費式考道可以量化。
      結果衍生出“我要番工,唔得閒照顧xxx"等道理。。。

      至於一日探訪/山區探訪之類義工,你講得好0岩,探完拍下羅友走,對受眾可能係傷害tim....

      刪除
  6. 莫於小善而不為! 70兄親力親為!

    回覆刪除
  7. 噚日先有朋友問我有無做義工,我都係話我在網上做的,影響不少人,我只有興趣做自己想做的事。我都係唔係幾理人講乜,自己做自己事。

    回覆刪除
    回覆
    1. 哈哈, 大家都係網上義工, 希望D 人會SEARCH 到我地啦~

      刪除
  8. 十分有同感,有基本生活保障後做金錢的主人,退下來的時間才是自己的人生。
    下崗前雖然朋友覺得我放棄高收入可惜,但8年來簡簡單單的金錢遊戲模式,過自己的生活與開心的人聚聚交流,身心十分暢快悠閒,覺得這才是人生。

    回覆刪除
    回覆
    1. 有機會分享下財自8年的變化...

      刪除
    2. 好的,過去8年其實好簡單只是在低息期間買入高息大股收息没有地產投資,遊走旅居外地,閒看花開花落,與好友開心聚聚交流,有時上上網看看你們心得和思維,微調一下投資路向(因下崗前專業與投資無關)。
      還有小朋友該段期間剛入本地大學,由得自由發展,只提示好好享受大學生活。大家分享!

      刪除
    3. RAY 兄, 無物業投資值得一讚, 唔會比人話霸住D資產!
      個仔都讀大學, 應該一身輕, 真係可以隨心所欲四圍去了.

      刪除
  9. 我:皮老闆就好啦,我都好想好似皮老闆咁
    媽:咪學呢D人,仲懶過個屎佛,返去努努讀書,出人頭地,唔好似佢呢D無業遊民。

    P.S 皮老闆同無業遊民的分別係佢係個有錢的無業遊民XD

    回覆刪除
    回覆
    1. 我都唔係有錢, 只係支出控制而已.

      不過我個屎忽其實好勤力, 日日有OUTPUT, 可能勁唔過少人個腦, 一日到黑都無OUTPUT...

      刪除
  10. 回覆
    1. 望就咁望
      不過現實生活就會比人指指點點LAW

      刪除
  11. 身边有位4X已退休人士表示最多人跟他說的話就是: "太早退休對社會無貢獻!" & "人無工作=無價值"

    回覆刪除
    回覆
    1. 想同佢地講:把你的皮子收起來,謝謝。

      刪除
    2. 應該有超過七成工作都係「對社會無貢獻」,講得出呢句又有諗過的話係太高估自己了(ref: bullshit jobs)。

      如果拎佢地你份工,拎走個title 咁個人就會變成無價值的話,咁只係鍍金,一捽就甩的價值呢。

      刪除
    3. 大家都講得好正確

      拎走個TITLE 就剩低NOTHING. 好歹我都係一位BLOGGER...哈哈.

      我工作從來都無TITLE, 咪又係咁過.

      貢獻又唔一定係來自工作, 而大部份工作都係商業世界,你老細0既一隻小齒輪0者, 真正有貢獻應該係果位老細.

      刪除
  12. //小弟口衰,細個至大個都唔係好識言語遮掩自己,結果,被誤會次數真係多不勝數,一遇上有妒嫉者,就會被不停放大。
    結果,好處係,真係朋友的,就真係好交心朋友。

    真係朋友既會知皮老闆根本靠自己,更非靠樓做到(呢樣唔容易)

    //相反,想大班人食下飯吹下水,呢D飯局就我無份了。

    60人都已經唔係飯局,係宴會。希望未來有機會出席,見見皮老闆真人XD

    回覆刪除
    回覆
    1. 我估將來實有機會0既, 今次班朋友唔好慊我7就得.

      講老實, 真朋友好少同我講自己財務狀況, 大家都好忌諱...同男人脫髮問題一樣。

      刪除
  13. 恭喜您財務自由, 到小弟真正財務自由會寫一短博文通知大家

    回覆刪除
    回覆
    1. 你是2球就夠財自果位仁兄吧。。。
      你是最早財自個位喎,乜而家要出番黎打工?
      定係我認錯人?

      刪除
    2. 作者已經移除這則留言。

      刪除
    3. 小弟雖然早在兩年前2017年6月底時叫做勉強達成財務自由, 當時被動收入足夠支付生活費支出, 但當時仍決定選擇打工, 原因是希望再儲多一筆待熊入市現金, 而待熊基金在2018年11月已入市

      刪除
  14. 1,2,4,6,最多人問
    依家已經唔會話俾人聽退休唔做,索性話冇野做算

    回覆刪除
    回覆
    1. 我老婆都係同人講我待業。

      我都想知,我應該點形容自己,全職爸爸?我有工人睇小朋友的。。。

      刪除
  15. 恭喜老闆你的退休生活愈來愈精彩👍 繼減肥成功後,不妨挑戰六舊腹肌🤣

    回覆刪除
  16. 剛剛過咗半年財自生活,大致上都覺得很開心, 可以日日同小朋友玩下, 小弟已經五十歲, 真係典型嘅70後, 但因為個樣好年輕, 啲人以為我失業。 佢哋都傻, 但係我日日揸車送啲細路返學, 淨係架車嘅開支都六千幾啦。 啲人嘅概念, 打工就真係冇用, 佢哋好缺乏安全感, 又唔肯去學。 小弟90年代已經識炒期權, 期指仲係我強項㖭, 不過而家我就只係用基金債券收息, 仲有sell put 呢啲 最hea嘅 期權策略, 已經夠用, 我有諗過寫blog教下啲人炒期權, 但係一來我就好鬼懶, 二來原來財自之後都係好鬼忙, 不過係做自己開心嘅嘢,

    回覆刪除
    回覆
    1. 師兄勁呀! 重可以KEEP 住養車!
      期權我都覺得簡單HEA 做就夠, 越花巧越危險...
      財自之後, 理論上钟忙, 因為實在太多事想做.

      我樣較殘, 應該似退左休. 哈哈...

      刪除
  17. 先排太忙,休息唔夠,體力透支病鬼咗,但病中都要留下言:
    退休後有咩做?呢條廢題目最乞我憎,一問我就想發火。
    通常我會咁答佢:有咩做?食飯瞓覺疴屎呼吸囉,呼吸仲要秒秒鐘都要做呀,你話忙唔忙呀?
    通常咁答啲人就會自動收聲。
    大佬!你試下一個男人湊住個女,衣食住行家務樣樣親力親為,仲問呢啲,係咪撩交打?
    唔好意思,借皮老闆地盤發洩下:P

    回覆刪除
    回覆
    1. 我都病左兩日, 財自好處, 可以盡情休息, 兩日好番哂. (可能運動又增強抵抗力)

      好彩香港有工人, 我唔駛睇住仔女.

      不過問番自己每日做過乜, 都係呼吸, 不過想做乜就做乜個下先正. 係咪咁話?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...