以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年8月8日 星期四

同小朋友HOME SCHOOL 我的香港財務自由路(五)

今日,係財自第40日。

呢個暑假,本來應該同小朋友出下街,不過我有個小小小手術要休息,所以留在家中,術後一星期可以去會所,現在已可完全外出,不過就樣衰D。

究竟我做左D乜?應該下一篇網誌會講。而下一篇網誌0既資訊我覺得係勁有用,希望能夠"打救世人"啦。。。

留係家,唯有集中HOME SCHOOLING。

話說我個大女,上年暑假去過D補習班,去完佢極度負評,原因如下。

1一二三年班一齊上(佢唔夠人組班)
2唔同級都算,學習能力好參差
3補習都要做野(我女以為係去玩)
4做完要等埋發叔(佢地唔識CATER INDIVIDUAL DIFFERENCE)

所以,我成日用帶佢去補習黎兇佢。

托賴,我兩個小朋友自學能力都OK,而我又算識教下野(我滿有信心的,不妨睇下我YOUTUBE頻道講野)

真係要出手教?講野請務求簡短易明,我成日話我太太唔識去教,講完一大輪小朋友話明,實際又做唔番出黎。

佢地做練習(個女幫手教下),我就砌高達

每日去會所做幾頁(2—4頁)練習,中英數隨意(有時我定有時佢地定),以下是小弟兩小朋友參數:

大女
中   ***
英   *****
數   **
速度  ***
留心度 *

小兒
中   **
英   **
數   ****
速度  **
留心度 **

重點訓練目標如下,希望各位HOME SCHOOL 有用(對於呢樣,我比投資更有信心)

女兒:數學專攻,加解難題,中練速度,英學新野應付下年
兒子:主練寫中英字,認字,速度及整齊度專攻

另一重點,揀一本好0既練習,我從來書展都唔買練習,我鐘意去書局慢慢睇(都係五分鐘睇得完)

英文專揀有教學行先,因個女個仔睇得明可以自動波,我就可以砌下高達睇下iMoney。(我揀左傑思gramma weekly)

中文仔就揀d容易可以自己睇題目,避免要同佢一齊做的閱讀理解,生字,組句,標點最好。(我無推介,求其揀)

數學真係好難揀,不停機器操練可以捉careless,但文字題又可以解難。最後我揀左"學林",你唔識佢唔緊要,去書局睇下啦,仲上bk?傻的嗎?

(唔該,我讀平民學校,唔好同我講藍血新加玻課程點點點。。。)

食個午飯,去會所做幾頁,之後去會所同朋友玩/去食個m記/回家一齊打下機,生活好不寫意。

都係個句,要輕鬆愉快同小朋友live together,係唔駛日日去歷奇去playhouse大龍鳳0既。

昨日女主人休息,去左啟德果間紙飛機玩,唔掂,d野太小朋友,貴,細。


不如租個工廈搵番二三十個家長一齊共享玩具空間好過。

最後,如無意外,開左學又係另一個戰場,不過之前同佢經歷過下,應該無乜大問題,呢個暑假準備得好,後尾應該唔難過。

另,細仔都有電話用(超舊三叔銀河筆記3),呢期打迷你世界(類似minecraft),若考得好,換部快d0既電話比佢(asus zenfone 3 deluxe)。

我屋企,電視任睇(連netflix),機任打,電話有限制使用,因為我深信,你一路比佢,佢就唔覺得係d乜,最緊要攪得掂讀書。

同樣,希望佢地都可以無限制但有責任感地,追尋自己夢想,世事無限可能,何必定太多框框?

最後,我拍左兩條<租奴的自白>片段,未睇0既不妨睇下,係youtube度比下意見。







各位0既留言支持,會係我繼續免費老點/亂up/教人/吹水的原動力!
blog中所有收入,會全數捐出(9月份會有一張二千多元捐款收據)

19 則留言:

  1. 小孩們有70兄用心陪伴,定會快樂成長。

    回覆刪除
    回覆
    1. 成日比我鬧...可能成為惡夢.
      哈哈哈~~~~

      刪除
  2. 回覆
    1. 是的, 過多幾年無得陪.

      所以要搵多d人生目標, 但肯定唔係日日番工搵錢.

      刪除
    2. 加多句,非常同意“因為我深信,你一路比佢,佢就唔覺得係d乜”

      刪除
    3. 有好多錢就唔太為錢亡
      有好多女就唔會為女亡
      讀得書多就唔會葡萄人讀書

      刪除
  3. 有父母肯陪伴,溝通,同佢地一齊玩的小朋友十分幸福。很多孩子連每天自由玩樂半小時,都未必有。

    回覆刪除
    回覆
    1. 係架
      好多人覺得打份工辛苦完有錢比屋企,就盡左大部份責任。

      刪除
  4. 晝展揀書除了貪平,亦因無時間慢慢打書釘研究呢。

    回覆刪除
    回覆
    1. 我知呀
      所以大家漁翁撒網咁買, 好多時做唔哂呢.

      刪除
  5. 皮老闆 : 想問一下入錢 IB 是否入--(Citbank N.A,Hong Kong 50/F Citbank Tower Plaza 3 Garden Road, Central HK Hong Kong ) 因我第一次入錢,所以請皮老闆幫忙一下!謝謝!因之前試過被騙,所以想不想再錯誤!問下前輩!我已開戶,可幫忙嗎?謝謝!

    回覆刪除
  6. 我個女以前英文都係做傑思Grammar weekly,仲有傑思Prepositions & Tenses Weekly,一年級一路做到六年級。內子揀的,我只係蕭規曹隨,所以有去書展買,因為不需再揀又平啲。
    升中後靠佢自己了,學校功課已太多,幫唔到了。

    回覆刪除
    回覆
    1. 哈哈, 建議睇下搵唔搵得番D練習推介, 好讓你太太0既心得同你投資心得一樣, 可以無私分享.

      BTW, 同你太太英雄所見略同~~~

      刪除
  7. 至於中文,主要係閱讀理解,唔記得邊間出版社。數學方面,內子當年癲到係自己出題俾練習佢。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...