以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年9月8日 星期日

政局令生意變得好差 差女主人的工作倒數

男主人呢期未出發先興奮!

我太太如無意外係2020年3月都會退下火線,結束佢十年0既短暫小老闆生活了!



如果講做老闆,佢比我更加有經驗,因為佢公司有員工我只係單打獨鬥生意仔。

講盈利?我應該無論ROC定係穩定性,都高佢一皮!

有舊客仲打黎問有冇炒旦食,嘗試引我出山,理由當然係佢話係市場上搵唔到代替品啦!不過話要停就要做得到,即使他日我去麥記做收銀識妹妹經理,我都唔會番去炒旦了。

我計過,即使佢而家停工,都係蝕租半年。

當然,有得搵就下LAW!

不過,而家係無得搵啊~~~~!

現在個市都真係幾淡,佢成日準時收工,兼職妹妹已經唔駛佢地番工,剩番一個FULL TIME,唔知會唔會最後炒Q埋。

(我番去幫手?無可能。我地從來互不干涉,再者,佢無IQ做我盤小生意,我又無EQ去做佢D野!)

相比起鋪頭可能面對0既虧蝕,我個三百萬港股倉其實仲衰啦~~~

所以,有咩好怕?係咪?

好多人,真係未見過大場面,見到一街靜哂,又話鋪租唔出,就好似大末日咁。不過,呢個情況肯定唔係短暫,仲會係一個惡性循環,大家一齊唔敢亂用錢吧~

呢十年,好多人都搵夠掠夠,即使係打工仔,銀行存款都有番咁上下卦,要一齊攬炒慢慢陰乾,有排都未到我地。

企邊一邊唔緊要,個結果已經出現左,我兩公婆過往都係煮到埋黎咪食,環境若改變,我地又就下佢

LONG PUT港股/指數?不如買美股/其他產品。

買樓係咪好時機?我真係唔知,我只係見到我住果度,租金跌到低過兩年前(但賣價仲企硬)。

係我呢個人生階段,倒不如諗下我個第二人生點玩好過啦!錢銀野都係過眼雲煙而已。

仲有,兩個小朋友開學了,今年首要任務係佢地自己攪得掂自己先,做功課/溫習/執書包/遙距對功課/自己去定溫書重點!看似好難,但有系統一步步做,加上大女可以教下個細仔,應該兩個月內可完成。

為乜?若我同太太第日財自四圍去,家中真空十日八日,佢地都唔會太甩漏吧?呢D預備工作,就留比我而家做啦。

最後,小第閒時拍的YOUTUBE片,應該開始達標了,同BLOG一樣,始終講錢才多人看,講價值?真係等多人睇先算啦~

一連三片,感謝各位朋友能看畢全部,
我只欠片段閱讀時間!


去邊唱錢最抵? 2蚊手續費! IB可以走資? 哈哈哈!

200萬毒L如何單身財自? 要上堂個D年回報10-24%點做到架?

月月有息收 買入六支不同月份派息債券 皮老闆債券教學 IB尋找高息債券

52 則留言:

  1. 先搶個沙發!
    皮老闆出片一定支持

    回覆刪除
  2. 點解你唔請個人代你炒蛋?甘盤生意咪可以繼續

    回覆刪除
    回覆
    1. 員工知道點入貨、配方、銷售、交租、水電煤,仲洗幫你皮老闆打工?
      直接自己開返間啦!!

      除非門艦高,唔係老闆點都要落手落腳。

      刪除
    2. 我自己生意,門檻低但技術含量高
      教埋你都未必做得到,另外如果真係咁易溝橋,香港就無人打工啦,偏偏香港咁q多人打工, 你話呢?
      教育令人膽小,因為做教育個班本身膽小。

      刪除
    3. 1. 旺角先達電腦店員工起老闆飛腳,知晒經營模式,自己開店打老闆
      2. 台灣餐飲店被員工偷橋,又另起爐灶,繼而一鋪清袋返台灣
      香港多人打工,因為門檻高(做銀行,又點開銀行?護士識醫人但無牌),同埋識唔晒D野(補習老闆簽英文老師VISA,你管鋪ADMIN唔一定有門路)

      刪除
    4. 我而家係打住份穩定上下班時間嘅工,用多餘時間研究股票,而家嘗試搞Youtube頻道賺錢。

      相比起皮老闆清兵掛個勇,我傾向穩中求變。

      刪除
  3. 女主人就快可以財自陪你啦,正呀~

    回覆刪除
  4. 老闆強! 可以選擇買不買樓都能輕鬆財自。不過見老闆好似都有心郁想買樓定下來,令財務更穩健。
    不過買樓係咪好時機?講真真係難過買股票,股票都仲有估值去計算資產等價值,價格低過價值就係好買入時機,但樓價好睇政策、人口、供應、GDP和人均收入等,加上香港樓市扭曲得比其他地方嚴重,即使現在經濟有點不景,租金向下,樓價企硬,以息讓租感覺仲正仲好,加上以老闆功力,投資股票必定比買樓既回報更高(不過這只是小弟眼見感覺罷,可能老闆租得多,也養成特殊眼光,可能是買樓的另類專家一不一定XD)。
    不過小弟多數鼓勵身邊人,有能力有需要就買,因為不同投資,有自住需要,買樓是一種消費和只能幫他們抗通賬,何況自己跟身邊朋友都不太懂投資,與老闆同各blog友的level差太遠。😅

    回覆刪除
    回覆
    1. 有排都未
      連女主人都暫時只想租
      輕資產好處,夠流動又可隨時走。
      樓唔升值的話,提供的現金流其實好少。

      當然,各人有自己財務考量,不宜亂跟。

      刪除
    2. 近年有錢無樓仲好過有樓無錢. 除了政策同市況, 起碼轉身快, 回報高, 想走就走. 渣住層樓一下子放左, 等於一個order賣幾球股票, 除左倉大小, 放返一舊錢 reinvest 又係問題

      刪除
  5. 皮老闆加油啊,我公司現在也放冇薪假和炒左15%員工。市場之差冇法想像

    回覆刪除
    回覆
    1. 幾乎認錯你係blogger 鐘記。
      不過網上見好多裁員例子了。

      刪除
  6. 第二段片 借低息外幣做槓桿 可以提一提外幣嘅risk 戴下頭盔 免得讀者賺息涉外幣價

    回覆刪除
    回覆
    1. 係既,不過免費野,提漏左又唔係咩問題。
      下次再講外匯時提下吧。

      刪除
    2. 你自己也小心。美元回。低息货幣升。平倉風險高

      刪除
    3. 可以不平倉架,只要有沽空貨幣的收入
      其實放眼全球投資 不要著眼在香港 就會發現很多套戥方法
      香港教育其實要加入投資理財必修科,不過咁做就會對投資人黎講少左好多機會

      刪除
    4. YES. 唔理USD, 由EUR同JPY 兩者波動從中轉換.

      刪除
  7. 無論個經濟幾差, 對我哋班財自嘅人嚟講, 都冇乜影響。 因為無論資產升定跌, 我哋都有辦法賺錢° 況且香港個市場仲係好落後, 有料到嘅一早已經放眼世界, 對世界各地嘅資產同 投資工具 都有認識, 隨時操作° D人成日話走資, 你估你係李嘉誠, 對我來說只係簡單嘅外匯交易, 如果睇淡港元, 只需一秒時間, 就可 沽空過千萬, 買入外幣或美元等, 仲有20倍槓桿添, 知識就是力量°

    回覆刪除
    回覆

    1. 樓既有租收
      有收息資產又唔係太見有影響。

      不過港元上次停留係弱方,一停就兩年,比息都幾甘。

      刪除
  8. 係,好多行業都差左好多,我父母個本行都係。。

    回覆刪除
  9. 皮老闆~ youtube片下面啲字係特登白底白字? 我用chrome同firefox睇都係喎~

    老闆已經過緊第二人生啦~ 退休左開始拍片, 大把新野試~

    回覆刪除
    回覆
    1. 我copy and paste嘅時候冇改到個底色

      謝謝提醒,一陣改

      刪除
  10. 唔少人以為攬炒就可以重新洗牌, 的確係會重新洗牌, 但只係洗窮人, 中產打工仔, 唔算富豪既資本家呢d人既牌, 對班超級富豪黎講重幫佢地可以以賤價購入更多既資產, 再賺多d。

    回覆刪除
    回覆
    1. 我又唔敢咁mean,我你都係窮果一群。只係窮苦大眾中比較無咁窮。

      我太太都低撈左幾隻股票,反而無撚用果三個中學同學,就係FB 賺多左幾百個....like.

      刪除
    2. 如果攬炒目的係重新洗牌,咁大眾真係幾無知。

      刪除
    3. 應該先洗走個班得把咀既廢柴鍵盤戰士先既。
      必死無疑。

      刪除
  11. 鐘意睇第一身份講市況,多過睇新聞,真實性高好多,今次經濟應該有排攪
    呢十年資產價格不斷升,大家身家都升唔少,係時候洗下牌
    就算攬炒洗牌,相信都係有錢既越有,唔覺示威既有能力,襯洗牌發到圍

    回覆刪除
    回覆
    1. 你提咗我。
      下次可以去啲劏場度拍下片或者喺大街拍下片
      睇下個即係出面嗰個市況係點樣
      其實我成日都可以行街街

      刪除
  12. 支持皮老闆以老闆角度YouTube 出片講下經濟! 暫時市面上應無相同號召力,同有做生意經驗嘅YouTuber.
    讀者甲

    回覆刪除
    回覆
    1. 我呢D 小生意仔, 真係不提也罷
      太太個D 可能好D, 較易受大眾接受0既

      刪除
  13. 經濟一定有起有跌,邊有一個國家或地區永遠保持高增長。兵來將擋、水來土淹,日本台灣等地,經濟沉迷數十年,有本事的人咪一樣生活得好地地?皮老闆咁醒目,點會怕?

    回覆刪除
    回覆
    1. 睇到第三條片,竟然有推介我本新書!受寵若驚,拜謝拜謝!!

      刪除
    2. 下一條都會介紹呀, 靈感由你BLOG 度黎TIM.

      係, 同我租樓一樣, 隨遇而安, 大不了咪走, 但暫時又唔覺有咁需要.

      刪除
  14. 生意冇所謂啦,早啲退休陪下小朋友咪仲好。

    可能仲spare到啲時間拍拖tim

    回覆刪除
    回覆
    1. 陪小朋友就一定

      等佢退埋拍下拖就真, 唔駛下下帶埋小朋友去~

      刪除
  15. 我都係等緊我老婆退下,可以行下街街拍下拖。

    回覆刪除
    回覆
    1. 你已財自了?
      有冇興趣寫下BLOG分享下?

      互相學習係好事.

      刪除
  16. 作者已經移除這則留言。

    回覆刪除
  17. 財自可否請教你 我有正股做COVER 但想期權轉倉 我持有即月939 SC 6元 現價6.2
    如果係你 你會E家轉下月6元定係今個月底先轉下月6元?

    如果E家轉有0.06時間值 但係如果等到月底可能會跌穿番6元,

    不過如果E家唔轉倉等到月底 可能升到6.4 6.5咁樣就更加難轉倉 到時轉黎都冇時間值賺到了

    回覆刪除
    回覆
    1. 6.2 已經好IN THE MONEY, 我會而家轉.
      一陣6.3 你連6.25都轉唔到呢...

      不過人人情況唔同, 我會增加張數(因為我有唔少939), 再加行使價.

      利申, 我SC 左939@6.25, 同你一樣有此煩惱.

      刪除
    2. 我已經把即月的SC 6 轉做下月的SC 6 收多少少時間值吧

      如果比你你會轉下月?或是幾耐之後? 轉做下年? 最衰我的成本價係6.2 唔係有賺就比貨佢算 冇咁怕

      刪除
    3. 我估我會加張數,轉下月或即月6.5 或6.75

      刪除
    4. 我手數不多 所以每個月都會做哂100%既939 做COVER CALL 今次全部做哂SC6 下次可以分兩至三批唔洗做咁近既價錢

      刪除
  18. 經濟幾衰都有人搵到大錢, 我朋友間公司做小朋友生意,生意多到要推單, 我有時都去幫手做下義工。皮老闆有無諗過除了資產離岸之外, 人都要離岸? 諗諗攪番少少保障, 例如 : BNO , US TRAVEL VISA...係最壞的情形下可以即走?
    我朋友太太帶埋小孩用BNO在EU(非英國)已住了兩年,小孩入公立學校,太太找到文職工作。合法留下要交稅的。


    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...