以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年10月12日 星期六

財自100天近況更新! 我的香港財務自由路(九)

我還未有忘掉BLOGSPOT, 不過文字版對小弟來說, 要兩邊都更新實在有難度.

而GOOGLE 亦搜尋優先序給予YOUTUBE 較多(或者咁講, BLOGSPOT SUBDOMAIN 好難發圍.)



現YOUTUBE 頻道還可以吧, 星期一至五每天7:30 會有新片發佈! 記得訂閱我個頻道, 可以早餐時間/疴屎/午餐/坐車時去聽!

比個面, 訂閱下我頻道, 下一目標係10000人!


比較有用, 可能係投資相關0既影片, 期權教學已經拍到第八集了.

皮太太(我老婆, 係片頭佢有聲音出演架...)話, BLOG 可以講下投資組合, 又係喎!


**********

今日, 已經係財自104日! 會唔會好悶? 其實睇你點樣用D 時間, 而家生活可以BE WATER, 鐘意屈屋企又得, 出街行下又得.

現在每月平均都有六位數股息, 自己可能一半都用唔到....淨番0既可以RE-INVEST.

唔番工炒旦後, 駛費的確大幅減少, 所以, 多左閒錢去SHIOPPING!

而貨款方面, 有HKD USD EUR 同JPY, 四者睇情況互換, 可能更加可以慳到息, 不過我仲係好初哥, 唔敢話係WORK.

上星期番左母校講某些心得, 係呢個政治環境之下, 都有全員出席, 十分鼓舞! 講完唔知有冇用, 定係純粹自HIGH....哈哈, 總算又完成左一個心願.

YOUTUBE 已經超乎目標地完成, 獎學金可以加碼了!

住屋方面(都拍左兩條片), 會由兩房搬去三房, 實呎大左37%, 租金多左21%. 最開心係小朋友, 可以自己一個房, 做乜都無人知, 哈哈哈~~~



搬屋後, 想換過部DESKTOP, 先行淘寶左張DISPLAY 卡, 睇下會否爆炸. 另外又試下係NEWEGG 買番黎砌, 雖然變左水貨, 但係有幾可壞丫! 你睇下租金幾貴, 對零售影響幾大?



平日出街食飯, 細價樓收租仔都要交租比食店個收租仔, 真係人食人, 哈哈~~~~

太太話買張懶係靚0既椅比我拍YOUTUBE, 我拒絕了. 都唔知可唔可以持續, 繼續低成本拍下先, 其實好簡單都可以好豐富, 同一般創業一樣, 開始時不用做裝備王, 簡單更最好.

呢幾個月, 都係等太太完成埋佢工作, 就可以同佢去玩下. 雖然鋪租到三月就完, 不過應該一月後就無乜生意了. 再者, 政局亦對佢生意有影響, 好頭好尾做埋佢吧.


如果要總結近況, 就係好爽! 自然醒唔係我貪0既野(我自然醒左十九幾年啦, 反而而家要較鬧鐘起身去跑步!), 最正0既係, 可以一步一步做自己鐘意做0既無聊事, 簡單而滿足.

大錢我就無本事搵, 
頹下頹下生活係我強項, 
觀眾切勿模仿!

26 則留言:

  1. 支持!!睇youtube片已成每天必做事項

    回覆刪除
    回覆
    1. 先謝謝支持, 記得訂閱~~~~
      訂閱人數係我0既SHORT TERM GOAL NOW!

      刪除
  2. Blog當做文字紀錄投資組合係好主意!好難用口述在Youtube講清楚的。
    如果女主人都退休後,你可以試下報名出國跑外地比賽。唔係要贏唔係要全馬,短程和只要完成就好,順便令自己有動力去練習,又可以去外地旅遊。不防試試。

    回覆刪除
    回覆
    1. 我太太成日傻傻下, 久唔久D建議都OK.

      跑街我唔得架, 怕熱. 室內跑當慢慢減下肥就OK了. 唔想太勉強我個BODY~

      刪除
  3. 佔據留言第三位。
    有訂閱,日日都聽,砌機話少人睇,但我好有興趣睇。

    回覆刪除
    回覆
    1. 我都好鐘意睇止凡打籃球一樣。
      可能我地本身相識,投資既野大家都了解對方係點,反而犄活趣事仲有興趣睇。

      刪除
  4. SHIOPPING,仲以為你退休去玩埋船務

    我部電腦都係淘番黎,用左兩年未爆,係粒電完全作廢

    日日出片真係好強,完全追唔切

    回覆刪除
  5. 差不多每天都有收聽請問可否講一下,如何IB借外幣,買港股呢?

    回覆刪除
    回覆
    1. 買港股就係買港股 之後 你用美金買入港元搞掂

      刪除
  6. 日日都有聽, 但始終鐘意睇 BLOG 多D (老人家)
    我最鐘意聽做生意既野, 因為自己未試過 (可能好多人都未試過)。

    回覆刪除
    回覆
    1. 其實生意有好多種
      唯一有共通點都係講下租個舖嘅啫

      刪除
  7. //同一般創業一樣, 開始時不用做裝備王, 簡單更最好.

    想深入了解一下呢部份, 皮老闆何出此言? 古語有云, 工欲善其事, 必先利其器嘛?

    回覆刪除
    回覆
    1. 咁你嘅創業成本大,又可能租個貴啲嘅舖
      咁你 捱蝕租 想撤退時 就有更多考量 自然做得冇咁輕鬆

      刪除
  8. "上星期番左母校講某些心得, 係呢個政治環境之下, 都有全員出席, 十分鼓舞! "

    你確定全員(學員)出席唔係校長出通告強逼?

    回覆刪除
  9. Hi 皮老闆你好,

    我想請教下HKD 100萬,想响ib做多隻美債倉,主要係收息,最好月月收,槓桿後希望有約10% 息,最好有上市有評級,必須隱陣。可否提供一、兩個倉俾我參考跟你學下嘢?
    另外,可否麻煩你做多D有關ib點揾美債,換錢借錢(槓桿),錢滙入滙出嘅片,我之前你嘅you tube 都睇晒,都仲係搞唔清楚要點做先得(我係響模擬倉度做嘅)
    多謝晒
    加拿大Tiger
    WhatsApp: +14378000388
    (歡迎隨時Whatsapp我)

    回覆刪除
  10. 除左JYP/EUR,貸款我加埋瑞朗(CHF),同日元一樣佢個匯率相對穩定。早輪脫歐時EUR 跳得好勁,見到明明股債都無乜大問題,但因匯率而有賬面虧蝕都唔係咁好過呢。會為左呢D 波動而煩心,睇黎我仲有排練...

    收租本來唔係咩大問題,但太多店鋪賺埋賺埋大部份去左交租,然後業主見你生意好一嘢加幾成殺雞取卵就覺得呢個現像好唔健康呢。

    Youtube 留言越來越多,睇黎你成功成為財自介KOL 了 XD

    回覆刪除
  11. 早晨, 你好呀皮老闆 希望你早日康復!

    回覆刪除
  12. 差吾多睇曬所有,你冇提過斬債,但請問點買,窮又想安全地有點息收,謝

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...